Ourense rexistra mala calidade do aire pola combinación de incendios e altas temperaturas
Meteogalicia alerta de PM10 e PM2,5 en varias estacións da provincia e recomenda limitar a exposición ao exterior, especialmente a persoas maiores.
Por Europa Press / Redacción | Santiago de Compostela | 13/08/2025 | Actualizada ás 17:36
Varios puntos da provincia de Ourense presentan unha calidade do aire mala derivada dos incendios forestais que afectan á provincia, que mantén declarada a Situación 2. Segundo os datos recolleitos polas estacións de Meteogalicia, nas de Xinzo de Limia ten unha mala calidade debido ao contaminante PM25 e a de Gómez Franqueira e Est-O polo conaminante PM10. Así mesmo, a estación situada en Oural tamén presenta unha mala calidade.
Ante estas condicións recomendan aos grupos de risco evitar as actividades prolongadas e activas no exterior, considerar realizalas no interior ou pospolas para cando a calidade do aire mellore. A poboación xeral é recomendable que reduza as actividades prolongas e activas no exterior, especialmente se experimentan tose, falta de aire ou irritación de garganta.
Entre eses grupos de risco atópanse as persoas maiores, é por iso que, un dos motivos que levou ao desaloxo dunha residencia de anciáns na Mezquita o pasado martes, ademais da proximidade do lume, foi o risco para os maiores pola inhalación de fume, segundo explicou a conselleira de Política Social, Fabiola García.
39,1 GRAOS EN OURENSE
A provincia de Ourense rexistra nesta xornada as temperaturas máis altas da Comunidade galega. Así, o termómetro alcanzou en Ourense cidade os 39,1 graos ás 16.30 horas deste mércores. Así mesmo, en Arnoia o mercurio alcanzou os 37,3 graos e en Vilamartín de Valdeorras os 37.1 graos.
Cabe lembrar que a Xunta mantén para esta xornada o nivel vermello de alerta por calor na comarca ourensá de Valdeorras e rebaixa a nivel laranxa a montaña e sur de Lugo e a montaña e sur de Ourense.
