(Vídeo)"Deixouse queimar todo o Valmeladas e nos quitaron de alí de apagalo"

"O incendio, do territorio de Pena Trevinca, para a Xunta non existe, non figura nos datos oficiais. E segue activo e consumindo hectáreas e hectáreas de monte. E o único que pedimos é biodiversidade que é fundamental", di nun vídeo este voluntario que leva días axudando a conter o incendio de Trevinca.

Alí, na tarde deste mércores non houbo case medios.  "Non houbo ningunha descarga de medio aéreo ningunha, se deixou arder todo o Valmeladas e nos quitaron de alí de apagalo", queixase.

"Xa non se trata de estadística do que leva ardido aquí, senón de todo o que se está perdendo e aínda está activo, sen control, e segue sen aparecer nos datos oficiais e seguimos sen medios suficientes", conclúe.

AXUDA

Precisamente, a xente de Casaio, en Valdeorras, e a poboación que está máis preto do Teixedal de Casaio, precisa axuda profesional con coñecementos e equipamento na zona de Trevinca. "Levan días loitando contra o lume e están prácticamente sós. É a nosa responsabilidade facer presión pra que a UME actúe. Chamemos en bloque ao 085 e 112 para que envíen efectivos", indican.

Precisamente, esta é unha das zonas máis castigadas polos incendios. Arderon dúas delas, unha delas a de San Vicente da Leira, e a piques estivo de queimar co bosque máis antigo de Galicia, o Teixedal de Casaio, tras arrasar con toda Trevinca, onde está o pico máis alto do país. 

 

 

 

 

View this post on Instagram

 

 

 

 

 

 

 

 

 

 

 

A post shared by Galicia Confidencial (@galicia_confidencial)