Tres detidos en Lalín como presuntos agresores dunha persoa en Ourense para roubarlle o móbil

A Policía Nacional de Ourense detivo a tres persoas como presuntos autores dun delito de roubo con violencia e lesións que tivo lugar durante a madrugada do pasado día 10 de agosto, nunha rúa do centro da cidade. Tal e como trasladou a policía nunha nota de prensa, o feito que orixina a detención produciuse sobre as 04.00 horas da madrugada cando a vítima se dirixía ao seu domicilio coincidindo no traxecto con tres individuos. Nese momento, supostamente procederon a agredirlle fisicamente, producíndolle diversas lesións de carácter grave, co obxectivo de subtraerlle o seu teléfono móbil.

Axentes de Policía Nacional pertencentes á Unidade de Delincuencia Especializada e Violenta (UDEV) da Comisaría Provincial de Ourense, realizaron unha investigación dos indicios obtidos, conseguindo facerse cos elementos necesarios que permitiron identificar os autores da agresión. Así, durante a mañá do día 28 de agosto, varios indicativos da Policía Nacional trasladáronse ao municipio pontevedrés de Lalín, onde procederon á localización e detención do tres presuntos responsables. Posteriormente, foron postos a disposición xudicial.

Policía Nacional de Ourense detén a tres persoas como presuntos autores dun delito de roubo con violencia e lesións | Fonte: POLICÍA DE OURENS