Convocada folga do persoal de atención á discapacidade e educación infantil o 6 de novembro

A CIG-Ensino anunciou este luns que profesionais dos sectores de protección e reforma de menores, así como da atención a persoas con discapacidade e das escolas infantís (de 0 a 3 anos) convocaron unha folga para o próximo 6 de novembro para reclamar convenios galegos cos que mellorar as súas condicións, xa que os estatais "non supoñen ningún avance". Tal e como trasladou o sindicato en nota de prensa, esta convocatoria pretende alcanzar ás "máis de 5.000 persoas que traballan nos máis de 500 centros" de toda Galicia.

Así mesmo, avanzou que o día da folga prevese realizar unha protesta fronte ao edificio da Xunta en San Caetano, onde esixirán unha "intermediación directa" de quen ten as competencias destes servizos que "están maioritariamente privatizados". Nesta conxuntura, a CIG-Ensino denuncia que estes servizos "están maioritariamente privatizados", en empresas privadas, mentres que os outros dous exemplos están a cargo de asociacións sen ánimo de lucro, fundacións e entidades sociais.

MANIFESTACIÓN O DÍA 25 DE OUTUBRO

Ademais, tamén anunciou que outra protesta está prevista para o 25 de outubro. Sairá por rúas da capital galega, con parada fronte á sede da Confederación de Empresarios de Galicia (CEG). O obxectivo desta é "denunciar precariedade e explotación ás que está sometido o persoal traballador" dos tres grupos. A CIG-Ensino tamén lembrou que estes grupos laborais teñen convenios estatais que manteñen conxelados os seus soldos, "moitos por baixo do salario mínimo interprofesional". Por iso, o sindicato subliñou que a situación é "totalmente límite" para os profesionais, e lembrou que mesmo a patronal de atención a persoas con discapacidade, Aedigal, advertiu do peche de centros se a Xunta non actualiza os convenios.

Delegados da CIG denuncian ante a Xunta 'precariedade' en centros de discapacidade, menores e gardarías | Fonte: CIG