Atopan nun xulgado a declaración de herdeiros de Castelao

O Xulgado de Primeira Instancia número 1 de Pontevedra collerá este xoves o acto de entrega do expediente de declaración de herdeiros de Alfonso Daniel Rodríguez Castelao ao Arquivo Histórico Provincial de Pontevedra.

Segundo explicou o Tribunal Superior de Xustiza de Galicia (TSXG), o expediente foi localizado por un funcionario durante a reordenación de fondos do antigo arquivo xudicial de xestión do xulgado de primeira instancia número 1 de Pontevedra.

A raíz do achado, o órgano xudicial emitiu un acordo gobernativo no que se acordou a transferencia do expediente ao arquivo polo seu "interese histórico, social e cultural.

Imaxe de Castelao no 1935 | Fonte: RAG