Por Galicia Confidencial | Vigo | 22/07/2016 | Actualizada ás 09:20
4.100 euros. Iso é o que reclama a AGDSP (Asociación Galega para a Defensa da Sanidade Pública) para tramitar a denuncia contra a privatización do novo hospital de Vigo mediante un contrato de concesión de obra pública tipo PFI (Iniciativa de Financiación Privada) levada a cabo polo goberno do PP da Xunta de Galicia.
A AGDSP denunciou á Xunta pola vulneración da legalidade estatal e comunitaria no caso da privatización do Novo Hospital de Vigo. E a denuncia foi admitida a trámite pola Comisión Europea. Por iso, esta ntidade debe afrontar os gastos de representación xurídica por un importe de 6.300 €, dos que faltan por abonar 4.100 €.
Esta petición está deseñada, segundo a entidade, “para aplacar e paliar os dereitos secuestrados e usurpados pola administración pública da Xunta de Galicia”. Por iso, diríxense á cidadanía, movementos sociais ou grupos políticos co obxectivo de “recuperar o pilar básico de calquer estado democrático e de dereito” e “rescatar e democratizar a sanidade, a través da complicidade e a concienciación de toda a cidadanía e as diferentes capas sociais, contribuindo cun aporte económico na medida das súas posibilidades”.
Os interesados en apoiar esta campaña poden facelo na plataforma de goteo.org
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.