Por E.P. | SANTIAGO DE COMPOSTELA | 05/08/2016 | Actualizada ás 14:40
O sindicato CSIF anunciou hoxe que a Xunta devolverá o que resta das pagas extraordinarias devengardas aos funcionarios en 2012 e 2013 na nómina de agosto, malia que a previsión inicial do Goberno galego era aboalas en setembro. Por iso, atribuíu o cambio de criterio ao "adianto" das eleccións autonómicas.
A través dun comunicado, o sindicato aplaude o adiantamento deste pagamento -que vincula ao "peso dos empregados públicos á hora de poñer e quitar gobernos"-, pero advertiu de que esta medida "non é suficiente". "Quedan por recuperar moitos dereitos laborais e acordos retributivos suspendidos pola Xunta", recordou.
Así, tras facer fincapé en que os funcionarios xa mostraron "con creces" a súa "capacidade de sacrificio e solidariedade nos tempos difíciles", CSIF incidiu en que estes traballadores mostrarán agora de igual modo a súa "capacidade de esixir" o que lles "corresponde por dereito propio".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.