O Gadis Hiper de Carballo (A Coruña) aumenta a súa sala de vendas e suma un espazo de moda

O Gadis Hiper de Carballo ampliou a súa superficie comercial, de forma que suma case 800 metros cadrados novos tras a remodelación progresiva co obxectivo de mellorar as opcións de compra aos clientes.

Nun comunicado, o grupo explica que a ampliación do establecemento supón "a mellora na oferta" e permite a incorporación de novas seccións como a de téxtil, cunha superficie que alcanza os 400 metros cadrados.

Sobre o novo espazo de moda do Gadis hiper, precisa que se caracteriza "polo seu deseño moderno e alta calidade na confección, a prezos competitivos". Por outra banda, destaca o equipo do centro cun equipo profesional composto por 98 traballadores.