SANTIAGO DE COMPOSTELA | 28/08/2016 | Actualizada ás 20:32 por EUROPA PRESS
As obras que permitirán habilitar un itinerario peonil dende o paso superior existente sobre á-6 nas proximidades de Crendes, en Abegondo (A Coruña), ata conectar coa beirarrúa existente na estrada AC-211 comezarán este luns.
Segundo explicou a Consellería de Infraestruturas e Vivenda nun comunicado, o proxecto foi adxudicado a Eulogio Viñal Obras e Construcións, S.A. por un importe de 40.000 euros. Ademais, os traballos contan cun prazo de execución dun mes.
En concreto, a actuación prevista desenvolverase na marxe dereita da estrada autonómica AC-221 entre os puntos quilométricos 12 +775 e 13 +000.
O proxecto consiste na execución dun sendeiro en formigón que contará cunha lonxitude de 1,8 metros e permitirá a circulación dos peóns. Ademais, instalarase un tubo de canalización de augas de drenaxe e unha varanda de 40 metros para protexer parte desta obra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.