Gas Natural Fenosa conclúe o transporte de aerogeneradores para a repotenciación do parque eólico de Camariñas

Gas Natural Fenosa finalizou o transporte dos compoñentes dos dous aerogeneradores que permitirán a repotenciación do Parque Eólico de Cabo Vilán, no Concello de Camariñas (A Coruña). Estas dúas máquinas, de 3 megawatios de potencia cada un, substituirán aos 22 muíños orixinais, que xa foron retirados.

O transporte dos aerogeneradores supuxo, segundo a compañía, "unha das tarefas máis relevantes na construción do parque eólico, tanto polas dimensións coma polo peso das máquinas.

Os compoñentes dos aerogeneradores foron transportados dende diferentes puntos da xeografía española, pasando no seu tramo final polos municipios de Arteixo, Laracha, Carballo, Coristanco, Cabana de Bergantiños, Zas e Vimianzo, ata chegar finalmente a Camariñas.

Nestes municipios, foi necesario acometer actuacións de diversa índole, dende a adaptación de sinais de tráfico para que sexan desmontables, ata o recheo de curvas, a retirada transitoria de biondas ou a retirada temporal de vehículos estacionados.

O proxecto de Cabo Vilán supón, segundo a compañía, "a primeira repotenciación dun parque eólico en Galicia". En concreto, este foi un dos primeiros parques construídos na comunidade autónoma a principios dos anos 90.

Segundo a compañía enerxética, con esta actuación modernizarase e optimizará as instalacións, ao tempo que se incrementará a súa potencia e diminuirá o impacto paisaxístico e ambiental".