Cazadores galegos intensificarán as batidas de xabaril nas zonas onde provoca máis danos
A Xunta pide a colaboración da Federación Galega de Caza para reducir o impacto deste animal en cultivos.
Por E.P. | SANTIAGO DE COMPOSTELA | 30/08/2016 | Actualizada ás 20:34
A Federación Galega de Caza comprometeuse este martes ante a Xunta a intensificar a acción cinexética sobre o xabaril nas zonas nas que máis danos ocasiona esta especie nos cultivos.
É o resultado dunha reunión entre a directora xeral de Conservación da Natureza, Ana María Díaz, e a de Gandaría, Agricultura e Industrias Alimentarias, Belén do Campo, co presidente da Federación Galega de Caza, Javier Nogueira.
Nese encontro, segundo indicou a Xunta a través dun comunicado, as responsables autonómicas solicitaron a colaboración da federación para evitar os danos ocasionados polo xabaril.
Este concéntrase, maioritariamente, no interior da provincia da Coruña e nas bisbarras de Ferrolterra (A Coruña), A Mariña (Lugo) e O Deza (Pontevedra), así como no sur da provincia de Lugo e no interior da de Ourense, segundo detallou a Consellería de Medio Ambiente.
