UGT fusiona as bisbarras de Pontevedra, Arousa e O Deza nun congreso "de cohesión territorial e estrutural"

Este venres 16 de setembro celebrouse no Pazo da Cultura de Pontevedra el Congreso de UGT Pontevedra-Arousa-Deza, no que participaron 61 delegados das tres bisbarras que agora se constitúen cunha nova denominación e que corresponden territorialmente á zona norte da provincia de Pontevedra.

Segundo destacaron o sindicato, o deste venres foi un congreso de cohesión territorial e estrutural" no que xa se presentaron determinadas federacións coa unidade acordada para os organismos como a FeSP, formada pola Unión da Federación de Ensino (Fete) e a Federación de Servizos Públicos (FSP).

Tamén participaron neste Congreso as Federacións de Servizos (FeS), a Federación de Servizos para a Mobilidade e o Consumo (SMC), a Federación de Metal, Construción e Afíns (MCA), a Federación de Industria e Transformación Agroalimentaria (FITAG), a Unión de Xubilados e Pensionistas (UXP), e Unións Agrarias (UU.AA.).

A Unión de Pontevedra-Arousa-Deza estende o seu ámbito de acción aos concellos de A Lama, Barro, Bueu, Campo Lameiro, Cerdedo, Cotobade, Marín, Moraña, Poio, Ponte Caldelas, Pontevedra, Sanxenxo, A Illa de Arousa, Caldas de Reis, Cambados, Catoira, Meaño, Meis, O Grove, Pontecesures, Portas, Ribadumia, Valla, Vilagarcía de Arousa e Vilanova de Arousa, A Estrada, A Golada, Cuntis, Dozón, Forcarei, Lalín, Rodeiro, Silleda e Vila de Cruces.

No desenvolvemento do congreso escolleuse á Executiva comarcal, á fronte da cal estará Ramón Vidal Trillo, que terá a responsabilidade de trazar as liñas do sindicato UGT Pontevedra-Arousa-Deza durante os próximos catro anos.

Tamén se elixiu a delegación desta bisbarra aos Comités nacionais de UGT Galicia e aprobouse o regulamento de funcionamento desta nova Unión.