Convocan unha asemblea en Vigo tras a sentenza por "contratación abusiva" por parte do Sergas de 9 sanitarios

O sindicato Sagap de Sanitarios Galegos Públicos convocou para o mércores unha asemblea de traballadores tras as sentenzas do xulgado número 2 de Vigo e do Tribunal Europeo de Xustiza que confirmaron a "contratación abusiva" de nove afiliados.

A asemblea de traballadores contratados na administración pública terá lugar ás 17,00 horas do día 28 no salón de actos do Hospital Meixoeiro de Vigo coa presenza do avogado laboralista Fabián Valero, especializado no sector público e con varias sentenzas favorables contra a administración, quen explicará as consecuencias e futuro do sector.

Sagap explicou que a recente sentenza recoñece a contratación "en fraude de lei por parte do Sergas de nove" dos seus afiliadas "polos seus sucesivos contratos eventuais, obrigándoo a recoñecer o seu carácter de interinas e indefinidas, así como á creación das prazas estruturais que ocupan".

Por iso, Sanitarios Galegos Públicos agradece a estas nove traballadoras "a súa valentía e loita", ás "celadoras de Vigo que abriron o camiño coas súas demandas", ao avogado Fabián Valero "pola súa dedicación, forza e empeño á hora de defendelas", ao Tribunal "por saber aplicar Xustiza" e a "todos os que cada día co seu traballo ou o seu apoio fan posible Sagap".