Por E.P. | Santiago de Compostela | 22/10/2016 | Actualizada ás 14:07
Centos de simpatizantes e votantes do PSOE concentráronse este sábado fronte á sede do partido na rúa Ferraz de Madrid para protestar contra actual xestora do partido e pedir que o Comité Federal, que se celebrará este domingo, non vote a favor dunha abstención que facilite a investidura de Mariano Rajoy. Os manifestantes solicitan a celebración dun Congreso extraordinario e unhas primarias para elixir o seu próximo líder antes de que remate o ano.
Baixo o lema 'A revolución das rosas'', nesta protesta os simpatizantes e votantes do PSOE afirmaron que non queren a Mariano Rajoy no Goberno e explicaron que a concentración ten como obxectivo "facer forza" para que a xestora cambie de actitude, segundo explicou Aida Loira, militante do PSdeG e unha das promotoras da protesta.
Durante a protesta exhibíronse pancartas con lemas como 'PSOE sen caciques', 'Non é No', 'Baróns golpistas' ou 'Democracia no PSOE'.
Algúns dos asistentes depositaron rosas vermellas nas portas da sede da rúa Ferraz, que permaneceu semicortada e baixo a vixilancia de cinco furgóns da Policía Nacional.
PROMOVIDA POR DÚAS MILITANTES DO PSdeG
A orixe desta concentración, promovida polas militantes socialists galegas Aida Loira, de Pontevedra, e Sonia Pillado, de Narón, e está orixinada polos acontecementos que tiveron lugar o pasado día 1 de outubro, cando Pedro Sánchez presentou a súa dimisión como secretario xeral ante o Comité Federal.
A petición do congreso extraordinario fundaméntase no artigo 34,2 dos estatutos do PSOE, que indica que o conclave extraordinario pode ser convocado "cando o pidan a metade máis un dos militantes", e puxo en circulación o domingo día 2. Na actualidade esta petición suma máis de 75.000 sinaturas fronte ás 94.000 necesarias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.