A coruñesa Tatiana Costa, campiona do concurso nacional de receitas 'Mediterraneamos 2016'

A coruñesa Tatiana Costa, alumna da Escola de Hostalaría Álvaro Cunqueiro, proclamouse campiona de España no primeiro concurso nacional de receitas 'Mediterraneamos 2016', destinados a estudantes de hostalaría e restauración e organizado polo Ministerio de Agricultura.

En concreto, Tatiana Costa fíxose co premio grazas á súa receita 'La Aceitunera', que combina tres olivas de Grecia, Italia e España con aceites de oliva particulares de cada país e tres legumes.

Durante o concurso, Costa preparou un 'trampantollo' no que cada unha das olivas colgaba dunha oliveira en tamaño bonsai.