Por Galicia Confidencial | A Coruña | 09/12/2016 | Actualizada ás 09:30
USO, CCOO e CIG, as tres centrais sindicais presentes no Comité de Empresa de Segur Ibérica na Coruña, iniciaron unha rolda de visitas aos clientes desta empresa co fin de buscar unha pronta solución para os seus compañeiros ante a situación de falta de pagamento de salarios que están a sufrir.
Os sindicatos buscan que as empresas e organismos "se involucren, reteñan a facturación pendente de abonar á compañía de Seguridade e consideren a opción de negociar un pago directo". Esta opción xa a puxeron en práctica algúns clientes coas nóminas do pasado mes de outubro, "ante a previsión dun desfalco salarial aos traballadores", segundo apuntan os sindicatos.
Ademas, denuncian a falta de vontade de Segur Ibérica de solucionar este conflito e critican que, máis que facilitar información aos representantes dos traballadores sobre a situación da empresa, "practican o terrorismo informativo, provocando unha sensación de completa indefensión aos afectados".
USO, CCOO e CIG levan semanas actuando conxuntamente. Din que o fan para "resolver esta situación con responsabilidade e coherencia, á marxe de condutas arribistas baleiras de contido doutras centrais sindicais".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.