SANTIAGO DE COMPOSTELA | 20/01/2017 | Actualizada ás 18:04 por EUROPA PRESS
O xerente do Servizo Galego de Saúde (Sergas), Antonio Fernández Campa, explicou este venres que Galicia aínda se atopa baixo a onda epidémica da gripe, aínda que fixo fincapé en que esta semana está a aumentar dun xeito "máis lixeira".
"Esperamos que, para a semana que vén, se remate o pico da gripe", vaticinou o xerente do Sergas, xusto antes de indicar que, esta semana, o número de casos se reduciu con respecto á anterior.
Con todo, asegurou que o Sergas segue "alerta" e "pendente", ao tempo que defendeu a eficacia da vacina da gripe.
Noutra orde de cousas, Fernández-Campa foi preguntado por unha carta do Sergas na que se prometía axilizar un tac solicitado hai 15 anos por un fenés que leva 14 anos falecido.
"O que pasou foi un erro nunha reclamación que se recibiu na EOXI de Ferrol", relatou, xusto antes de sinalar que o paciente que realizou a reclamación tivo un erro no que se refire aos datos da historia clínica.
Deseguido, precisou que o servizo de admisión do hospital recolleu a reclamación con algúns "números bailados" e, en consecuencia, acabou contestando ao paciente que falecera hai 14 anos en lugar de ao que presentara a reclamación.
Por todo iso, o servizo de admisión do hospital se puxo en contacto coa familia do paciente falecido para pedirlle desculpas polo erro. Tamén o fixo co paciente que realizou a reclamación para contestarlle.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.