Espectacular operación dos servizos de Emerxencia para salvar unha vaca en Mos

Membros dos servizos municipais de Emerxencias de Mos realizaron este domingo un salvamento moi peculiar. Ao redor das 13.00 horas foron avisados pola caída dunha vaca dentro dun pozo, nun monte da localidade.

Inmediatamente procederon a baleirar o pozo e a sacar o animal con eslingas e un tractor evitando que sufrise danos. Ao redor dunha hora e media despois a vaca foi liberada.

O animal non sufriu feridas de gravidade polo que os efectivos de Emerxencias procederon a soltala nun prado cercano.