Folga dos veciños de Friol contra a Igrexa
Os ferigreses anuncian que non acudirán a misa os domingos ata que os reciba o bispo polo traslado do cura do concello.
- Concentración cidadá ante o Bispado de Lugo para rexeitar o traslado do cura de Friol
- O cura de Friol desmente ao Obispado e asegura que o seu traslado é "obrigado" e "totalmente en contra" da súa vontade
Por E.P. | SANTIAGO DE COMPOSTELA | 17/02/2017 | Actualizada ás 13:59
O alcalde do municipio lucense de Friol, o popular José Santos, confirmou que os veciños de doce parroquias non acudirán a misa o vindeiro domingo, nin nos sucesivos, ata que non sexan recibidos polo bispo de Lugo, Alfonso Carrasco Rouco.
Segundo explicou, esta medida obedece á protesta polo traslado a Ribas do Sil do párroco destas doce parroquias de Friol e dúas de Guitiriz, que levou a manifestarse fai un par de semanas a máis de cincocentas persoas ás portas do Bispado, na Praza de Santa María.
O rexedor asegurou que o feito de non ir a misa "é unha medida que adoptaron" os veciños das parroquias "nas que exercía (José) Ramón (Pérez), tanto nos dous de Guitiriz como nas doce de Friol".
"Van deixar de asistir a misas e tamén deixarán de colaborar na limpeza de cada igrexa", avanzou o rexedor de Friol en relación á medida veciñal.
MÁIS MANIFESTACIÓNS
Ademais, José Santos anunciou que este domingo volverán manifestarse en Trasmonte e "así van continuar cada fin de semana en distintas parroquias".
"A idea dos veciños e dos organizadores é esa, seguir manifestándose, reivindicando ser escoitados e vano a seguir facendo ata que se obteña unha resposta por parte do Bispado", concluíu.
