SANTIAGO DE COMPOSTELA | 25/02/2017 | Actualizada ás 18:59 por EUROPA PRESS
O proxecto da Dirección Xeral de Xuventude, Participación e Voluntariado da Xunta titulado 'Implicando á mocidade na conversación do medio ambiente e o desenvolvemento sustentable' resultou gañador do programa 'Movic 17', convocado pola Rede Española de Albergues Xuvenís (REAJ).
Segundo indicou a Xunta nun comunicado, esta iniciativa de Xuventude contará, ao amparo desta distinción, co apoio económico da REAJ para a súa execución durante a próxima primavera nas instalacións do albergue de Gandarío.
Os obxectivos de 'Movic 17' son os de promover e difundir o movemento alberguista e as potencialidades dos albergues xuvenís que pertencen á REAJ, á vez que se fomenta a mobilidade xuvenil e a adquisición de valores coa posta en marcha de actividades en distintos ámbitos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.