A UVigo rexistrou en 2016 a súa marca en solicitudes de patentes, con 28, e acumula un total de 203 patentes concedidas

A Universidade de Vigo (UVigo) rexistrou en 2016 a súa cifra marca de solicitudes de patentes, co trámite dun total de 28; 15 delas nacionais, sete de extensión internacional PCT, tres europeas e outro tres internacionais con países como Estados Unidos.

Segundo informou a universidade, o número de solicitudes presentadas en 2016 supera os seus mellores rexistros ata o momento, coas 27 solicitudes realizadas nos anos 2009 e 2014. Ademais, despois de que o pasado ano se lle concedesen 19 patentes, a institución académica acumula 203 patentes.

Entre as patentes solicitadas en 2016 inclúese un procedemento para o diagnóstico de procesos de desmineralización dental mediante o uso de espectroscopia Raman; dous procedementos de tratamento de madeira baseados na utilización de encimas industriais; e novos sistemas de unión para estruturas metálicas.

Aínda que a maioría das patentes solicitadas en 2016 son 100% viguesas, algunhas comparten titularidade con outras entidades, como é o caso dun proxecto coa Universidade de Oviedo baseado na utilización de drons con técnicas innovadoras para detectar obxectos enterrados no chan.