SANTIAGO DE COMPOSTELA | 07/04/2017 | Actualizada ás 18:26 por EUROPA PRESS
A coordinadora de En Marea proporá a Victoria Esteban (Lugonovo) e a Ana Seijas (Ames Novo) para ocupar, respectivamente, as dúas novas vicevoceirías de Organización e Acción Política.
Nun comunicado este venres, En Marea informa da primeira reunión da súa coordinadora --que foi elixida o pasado domingo-- na que se acordou a creación destas vicevoceirías, máis aló do papel de portavoz de Luís Villares.
As propostas de Vitoria Esteban como viceportavoz de Organización e de Ana Seijas para Acción Política irán ao Consello das Mareas para a súa elección.
Esta decisión tómase en base ao marcado nos documentos do Consello das Mareas, á vez que se aposta por desenvolver a estrutura territorial da organización.
Neste sentido, a coordinadora destaca que porá en marcha diversas áreas de traballo, que terán características "sectoriais, transversais e territoriais".
Así mesmo, entre os labores inmediatos da coordinadora estarán a recompilación de todos os documentos políticos de En Marea para a súa publicación na web. Tamén se publicará a carta financeira e porase en marcha a tramitación dos espazos de transparencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.