A Xunta lamenta o falecemento do historiador Antonio Erias Roel

A Xunta de Galicia mostrou o seu pesar polo falecemento do historiador, investigador, escritor e catedrático Antonio Eiras Roel, e estende as condolencias á súa familia.

Segundo lembrou nun comunicado, Eiras Roel foi catedrático de Historia moderna durante corenta anos e, baixo o seu maxisterio, formáronse varias xeracións de historiadores galegos e procedeuse á modernización da investigación histórica ao introducir en España a corrente metodolóxica francesa dos Annales.

A Xunta quixo facer un recoñecemento público da profunda implicación de Eiras Roel nos ámbitos cultural, social e universitario, e destacou a súa relevante contribución como estudioso da historia política do século XIX, con importantes obras que profundan na estrutura rural, económica, institucional e demográfica e, xa nos anos noventa, centrado nos fenómenos migratorios.

Cronista de Galicia, foi tamén membro da Real Academia da Historia, da Société d' Histoire Moderne de París, e fundador da Asociación Española de Historia Moderna, entidade que agrupa aos modernistas españois. No ano 2000 foi galardoado co premio Antonio López Ferreiro de Investigación.