Esquerda Unida terá novo líder este verán

"En xuño deixarei a coordinadora de EU. Non é un paso atrás. Foron anos moi intensos: é necesaria a renovación" delcara a deputada de En Marea Yolanda Díaz.

Por Europa Press / Redacción | SANTIAGO DE COMPOSTELA | 25/04/2017 | Actualizada ás 18:47

A deputada de En Marea Yolanda Díaz non se presentará á reelección para dirixir o partido o próximo mes de xuño, segundo avanzou este martes nunha entrevista na Radio Galega.

Díaz afirmou que o últimos catro anos "foron moi intensos" e asegurou que non se trata dun paso "atrás", senón dun paso "a un lado" porque pensa seguir traballando polo país dende EU.

En materia de política estatal, criticou os orzamentos xerais e rexeitou a posibilidade de que En Marea negociase de forma autónoma o seu apoio a cambio dunha maior partida para Galicia.

"Os votantes de En Marea non entenderían o apoio aos orzamentos dos recortes", advertiu. Ademais, sobre se cre que o Executivo cumprirá os seus compromisos co AVE a Galicia, preferiu "non prexulgar", pero falou dunha experiencia ata agora "moi mala".

En canto a corrupción, opinou que Rajoy representa "o peor do establishment e unha forma de corrupción masiva". Sobre a dimisión de Esperanza Aguirre, avisou que "non se trata de pezas que saen salpicadas". "O que está en xogo é a propia forma de Goberno", incidiu. Os representantes das caixas galegas, Méndez e Gayoso, Villar Mir coas nosas hidroeléctricas... e outros que pasan de puntiñas pero que imos ver como acaban: Pepiño Blanco e cargos do PP relacionados co Alvia, que parece que algo están ocultando, ou aquel señor que se retirou, Paco Vázquez", declarou.

No que respecta a conflitos internos de En Marea, valorou que a falta de inclusión "resta" e "non suma". Con todo, apuntou que o partido instrumental está aínda "nun proceso de experimentación" con marxe de mellora. Díaz comparte a idea de que a coordinadora da formación está sendo pouco inclusiva.

6 Dalle que libras

Yoli Procesiones xa non exercía ese cargo xa que está a maior parte do tempo en Madrid o dando roldas de prensa con Toné

5 Galego ante todo

aiiii Beiras Beiras décheslle folgos a estes que non tiña nin o 0,5% dos votos e nula presencia, que barato vendeches o nacionalismo galego os españois, inda por riba pagáronche con traicións a ti e a tódolos galegos. Das a razón a quen non pensaba coma tí na asambleia de Amio (nunca entenderei os que votan nunha asambleia e se non ganan vanse rompendo todo o traballo feito)

4 Faraldo

Non agora o que mola é Unidos Podemos. Yoli Procesiones e Toné apostan por iso e non por En Marea

3 anonimo

Esquerda Unida xa quedou atrás. Agora o que mola é En Marea. Anovarse ou morrer, xa se sabe.

2 nostrus

A lo mejor a la víbora comunista se le acabó el veneno y tiene que repostar.

1 Kollontai luguesa

A ver ho, non se pode ter tanta xenreira no corpo. Ademais, esta xa hai tempo que deixou de ser comunista, se é que o foi algunha vez... Non ves que é unha das lideresas da integración de IU en Podemos... Ninismo en estado puro, rama centrista-centralista-seudoesquerda. En calquera caso, agardemos que non se dedique ao mundo da canción... https://www.youtube.com/watch?v=ahI... Eu a verdade véxoa máis de condutora do tramabús ou quen sabe se de menistra algún día...