Rocío de Frutos anuncia que deixará a militancia socialista se Susana Díaz gaña as primarias
Cre que será Pedro Sánchez o que se fará co control do partido nas primarias do próximo día 21.
Por E.P. | SANTIAGO DE COMPOSTELA | 10/05/2017 | Actualizada ás 16:16
A ourensá Rocío de Frutos, unha das 15 deputadas socialistas que mantiveron o 'non' na investidura de Mariano Rajoy, anunciou este mércores que se dará de baixa no partido no caso de que a andaluza Susana Díaz gañe as primarias do PSOE.
Díxoo nunha entrevista concedida á Radio Galega na que indicou que non prevé que a presidenta da Junta de Andalucía poida facerse coa Secretaría Xeral do PSOE, senón que augurou que Pedro Sánchez se fará coas rendas do partido nas primarias do próximo día 21.
"Creo que representaría moi ben os valores da socialdemocracia, e que estariamos no bo camiño", opinou De Frutos, á vez que asegurou que lle gustaría que o exlehendakari Patxi López "se integrase" na candidatura de Sánchez.
