Un pescador captura unha troita de case tres quilos no río Verdugo
Álvaro Míguez, natural de Taboadelo, pescou o exemplar na zona de Coveliño. Levoulle case media hora sacar o peixe do río.
Por E.P. | SANTIAGO DE COMPOSTELA | 13/05/2017 | Actualizada ás 11:10
Un pescador habitual nas beiras do río Verdugo capturou á primeira hora deste venres unha troita de case tres quilos en augas da zona de Coveliño.
O pescador que capturou o exemplar foi Álvaro Míguez, natural de Taboadelo, que, segundo destaca o Concello de Ponte Caldelas, "conseguiu a mellor captura dos seus 40 anos de afección ao deporte da cana e celebrouno cos seus amigos e compañeiros de traballo, que non dubidaron en facerse numerosas fotos coa captura".
Unha desas imaxes compartiuna co alcalde da localidade, Andrés Díaz, así como os concelleiros Lito Muíños e Manolo Barreiro.
O pescador relatou que acababa de chegar ao río cando tivo sorte. "Levoulle case media hora sacar o peixe do río, nunha batalla que requiriu de moita habilidade e forza física", explicaron dende o Concello.
O exemplar acabou en casa do pescador, onde este fin de semana será degustado.
