Cales son os mellores viveiros e aceledoras de empresas de Galicia?

Funcas, a entidade que reúne as antigas caixas de aforro, e a Universidade Rey Juan Carlos acaban de publicar o seu “Ránking 2016/2017” clasificando a situación actual dos viveiros de empresas en España. Por primeira vez este ano, tamén avalían ás aceleradoras.

Por GC Emprende | Santiago de Compostela | 26/05/2017 | Actualizada ás 14:00

Comparte esta noticia

Dos 73 de viveiros analizados, o da Cámara de Comercio de Santiago consegue unha gran valoración, o posto número 5. Ademais, polo seu niveis de servizos, é o único galego que consegue entrar na categoría de “avanzados”.

Viveiro de empresas da Cámara de Comercio de Santiago no Polígono Costa Vella
Viveiro de empresas da Cámara de Comercio de Santiago no Polígono Costa Vella

Outras dúas iniciativas galegas están na zona de notables, así o Centro de Iniciativas Empresariais da Fundación CEL de Lugo logra o posto 16 e o Centro de Iniciativas Empresariais Mans, da Fundación Paidea en Padrón, o 21.

Da metade da clasificación para abaixo está curiosamente Uninova, un dos máis veteranos e en teoría con máis medios, por estar promovido pola Universidade de Santiago, en colaboración co Concello. 

No referido as aceledoras de empresas, Viagalicia, promovida polo Consorcio da Zona Franca de Vigo en Nigrán, consegue o posto número 7. Zarpamos, unha aceleradora lanzada e xestionada por emprendedores privados no centro da Coruña, consegue o posto 19. Cómpre ter en conta que en total avaliáronse 24 institucións deste tipo.

Loxicamente houbo numerosas iniciativas que o estudo non avaliou, por diversos motivos. No estado en total calcúlase que hai 227 viveiros e 73 aceleradoras.

O director de Xesgalicia, Juan Cividanes, cos emprendedores de ViaGalicia en Porto do Molle
O director de Xesgalicia, Juan Cividanes, cos emprendedores de ViaGalicia en Porto do Molle

Tanto a nivel de Estado como a nivel galego, o estudo atopou un importante descenso do número de viveiros durante 2016, o ano avaliado, respecto a exercicios anteriores. En opinión dos autores, produciuse un cambio de mentalidade entre os promotores. 

Mentres que nos peores anos crise  os viveiros de empresas inzaban por todos os lugares, en parte debido á necesidade da administración de demostrar que estaba a tomar medidas activas contra a recesión, agora “apóstase máis pola calidade que pola cantidade”. O resultado é unha “transformación ou reorientación das infraestruturas para evitar que se solapen e aproveitar mellor os recursos”.

A dispoñibilidade de viveiros, en primeiro lugar, e de aceleradoras, a continuación, é clave para o emprendemento. Cómpre ter en conta que máis do 95% das compañías que hai en Galicia caen na categoría de microempresas, con menos de 9 traballadores. 

Galicia é a quinta autonomía que máis aceleradoras ten, segundo este estudo. A diferencia dos viveiros, que son maioritariamente públicos, tenden a estar promovidos pola iniciativa privada.

Sede de Uninova
Sede de Uninova
Temas: EMPRENDEMENTO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta