Por E.P. | SANTIAGO DE COMPOSTELA | 24/07/2017 | Actualizada ás 21:26
Centenares de mozos protagonizaron unha mobilización na tarde deste luns, véspera do Día da Patria, para reclamar unha "Galicia soberana" que "non poden ter no actual marco do Estado español".
A marcha, convocada por varias organizacións xuvenís independentistas, iniciouse na Alameda compostelá ás 20,00 horas e, tras percorrer as rúas da capital galega, concluíu na Praza do Toural ás 21,00 horas.
A responsable de Organización de Erguer e membro da dirección nacional de Galiza Nova, Iria Figueroa, puxo o foco no estudiantado para que "tome conciencia" do "fundamental" que é cambiar o sistema educativo.
Este modelo, apunta, deixa "totalmente marxinada" á lingua e á historia de Galicia e "non permite poder vivir en liberdade aos mozos nunha República galega que rompa coa sociedade capitalista e patriarcal".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.