Por Galicia Confidencial | A Coruña | 07/08/2017 | Actualizada ás 14:05
A carga de traballo estival pasa así ao xulgado de garda. Con todo, os funcionarios alertan que a falta do substituto que reclaman xa provocou a suspensión, por exemplo, de vistas orais.Nesas vistas están pendentes por decidir aspectos como se un pai acusado de violencia contra a súa parella ten dereito a visitar aos seus fillos.
A denuncia pública conta co apoio da propia maxistrada titular do Xulgado contra a violencia machista.
Os traballadores destacan a hipocrisía das autoridades, que levan lustros mostrándose moi preocupados en público por este tema. O responsábel directo da situación é o Ministerio de Justicia. Con todo, os operarios tamén culpan á Vicepresidencia da Xunta de Galicia, por non facer ao seu entender dabondo presión ao respecto.
A crítica dos traballadores chega, precisamente, no mesmo día en que diversos mandatarios tentan sacar peito ao fío desta cuestión.
Así, a responsábel da Xunta, Susana López Abella, congratulouse esta mañá polo feito de que no que vai de ano aumentaron as denuncias ao fío da violencia machista. O Goberno Galego di que atendeu a 523 persoas a través do programa de atención e apoio psicolóxico.
Pola súa banda, o teléfono de información ás mulleres recibiu máis de 1.900 chamadas nestes seis meses. A Xunta informa ademais que outorgou axudas económicas a 235 vítimas.
Cifras que demostran do risco de deixar un xulgado contra o machismo sen xuíz titular. Precisamente, hoxe mesmo a deputada do PPdeG Paula Prado anunciaba no Parlamento unha iniciativa dos conservadores para a apertura de tres xulgados especializados neste tema no país.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.