Por Galicia Confidencial | Vigo | 25/08/2017 | Actualizada ás 11:18
A Confederación Galega de Persoas con Discapacidade (COGAMI) iniciou unha campaña de recollida de sinaturas en contra das gasolineiras que carecen de persoal laboral, as coñecidas como gasolineiras low cost, porque, segundo esta entidade, son discriminatorias para o conxunto de persoas que representa.
As Comunidades de Estremadura, Andalucía, Aragón, Asturias, Baleares, Castela A Mancha, Madrid, Comunidade Valenciana, Navarra e Murcia aprobaron xa medidas de obrigado cumprimento onde ten que haber a presencia dunha persoa responsable nas gasolineiras que, de non cumprise, será considerada como unha infracción grave.
Por iso desde COGAMI tamén reclaman a existencia de persoal de atención ao público nas gasolineiras durante o horario de apertura, para que as persoas con discapacidade, e outros colectivos, poidan exercer os seus dereitos como consumidores.
“Dende a Organización cremos que a falta de persoal imposibilita a utilización de determinados servizos a aquelas persoas con mobilidade reducida que non poidan encher combustible autonomamente, xa sexa porque non poden dispensalo polos seus propios medios ou porque non poden acceder aos dispositivos de cobro”, indica a entidade nun comunicado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.