Feijóo sobre os presos en Cataluña: “Que sexan presos políticos non o cren nin eles”
O presidente da Xunta suliña que non hai ningún tipo de acción política en Cataluña e que a Garda Civil actúa por mandato “dun xuíz” e non do Goberno español.
Por Xurxo Salgado | Compostela | 21/09/2017 | Actualizada ás 14:34
“Que sexan presos políticos non o creen nin eles”. Con esta firmeza e esta contundencia referiuse o presidente da Xunta, Alberto Núñez Feijóo, ás detencións que onte realizou a Garda Civil na Consellería de Economía da Generalitat vinculadas co referendo independentista e que motivaron numerosas protestas públicas tanto en Cataluña como no resto de España.
“Se están presos é por incumplir a lei e algúns deles son políticos que están presos por incumplir a lei pero non por ser presos políticos”, dixo Feijóo na rolda de prensa da Xunta ao ser preguntado ao respecto. Neste sentido, insistiu en que, as actuacións policiais foron ordeadas por un xuíz e non por ningún político, en relación ao Goberno español.
Así, recalcou que España segue sendo un estado de dereito que ten definidos os poderes xudiciais e executivos. “O xuíz actuou baixo a súa decisión, dentro dun ámbito xudicial. E os corpos policiais o que fixeron foi seguir as ordes do xuíz”, insistiu. “A Garda Civil fixo o que fixo porqeu llo ordenou un xuíz e non un político”, engadiu.
Feijóo subliñou que as persoas detidas o foron por incumplir a lei e “non polas súas ideas”. Por iso, criticou ao presidente catalán, Carles Puigdemont, e a outros grupos, nomeadamente Podemos e En Marea, por dicir que se trataban de detencións políticas.
