Por Galicia Confidencial | Vigo | 29/09/2017 | Actualizada ás 10:25
A Plataforma "Galiza con Catalunya", que aglutina a diversas organizacións sociais, sindicais e políticas de Galicia anunciou que fletará autobuses desde diversas localidades galegas para acudir a unha gran manifestación en apoio do referendo catalán.
Baixo o lema "Democracia é decidir" a marcha realizarase este sábado 30 de setembro e partirá ás 12:00 horas dende a Alameda de Santiago de Compostela. "Diante da crecente repreresión por parte do Estado, e dos acenos a cada vez máis autoritarios do Goberno español, é indispensábel redoblarmos a nosa solidariedade internacionalista co pobo catalán e, singularmente, coas súas clases traballadoras e populares, apoiando de maneira clara o seu dereito a decidir e na defensa dos dereitos e liberdades democráticas", indica a organización.
Por iso, e para facilitar o desprazamento até Compostela fletará autobuses, cando menos, desde Vigo, O Porriño, A Guarda e Cangas. Para colaborar no sufragamento dos gastos, estabelécese un prezo de 5€ por persoa (a aboar no propio autobús), agás para as desempregadas e estudantes para quen será de balde. É preciso anotarse antes do venres 29 ás 13:30h.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.