Por E.P. | Santiago de Compostela | 05/10/2017 | Actualizada ás 16:20
O PPdeG inclúe, no marco das propostas de resolución rexistradas na Cámara, boa parte dos compromisos avanzados este mércores polo presidente galego, Alberto Núñez Feijóo, así como varias iniciativas ligadas coa situación catalá, pero tamén introduce outras cuestións como o impulso dun plan para eliminar símbolos franquistas e apoiar a retornados de Venezuela.
En concreto, o PPdeG insta á Xunta a acordar coa Federación Galega de Municipios e Provincias un plan de eliminación dos elementos de exaltación do franquismo que "subsisten en Galicia", conforme ao establecido na lei de 2007 que "recoñece e amplía dereitos" e fixa medidas "en favor das persoas que padeceron persecución ou violencia durante a Guerra Civil e a ditadura".
Do mesmo xeito, pide que o Goberno galego "reforce" o seu apoio aos galegos da diáspora "intensificando os programas de apoio ao retorno e, en particular, dirixíndose ao Goberno de España para que exhorte ao Goberno de Venezuela a asumir as súas responsabilidades cos galegos" que residen neste país ou que retornaron a Galicia e "teñen dereito a percibir unha pensión de xubilación que o réxime bolivariano rexeita pagar desde xaneiro de 2016".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.