Temas: LUMES INCENDIOS

A Fiscalía sospeita que existiu planificación criminal coordinada na vaga de incendios

Apunta "a posibilidade dunha actuación criminal máis aló da de autores ocasionais" pola forma, métodos, espazos e simultaneidade, polo que abre dilixencias de investigación penal.

Por E.P. | Santiago de Compostela | 18/10/2017 | Actualizada ás 13:21

A Fiscalía Superior de Galicia abriu dilixencias de investigación penal destinadas a esclarecer se na onda de incendios forestais que se rexistrou en Galicia durante a semana do 8 ao 15 de outubro, con particular virulencia o sábado e o domingo, "existen indicios dunha planificación coordinada na orixe dos devanditos sinistros".

O decreto de incoación das dilixencias, asinado polo fiscal superior de Galicia, Fernando Suanzes, lembra as graves consecuencias dos incendios, que provocaron catro mortes, miles de afectados, risco de propagación en zonas urbanas con perigo real para persoas e bens, evacuacións, así como extensas superficies queimadas no catro provincias galegas, especialmente as de Pontevedra, Ourense e Lugo, con grave afección a zonas de alto valor ecolóxico.

Ante a grande alarma social causada, e "sen prexuízo das investigacións que tramiten os diversos xulgados de instrución do territorio para determinar os autores, partícipes e demais particularidades de cada evento criminal acoutado espacialmente, da súa exclusiva competencia", a Fiscalía considera necesario investigar se "os numerosos incendios orixinados obedecen a unha iniciativa criminal complexa de grupos con intencionalidade que persigan obxectivos supraindividuais".

O decreto de incoación das dilixencias recolle nos seus fundamentos de dereito que, ademais das causas tradicionais dos incendios, a forma en que estes se produciron, os métodos utilizados, os espazos afectados e a simultaneidade en períodos temporais "fan pensar na posibilidade dunha actuación criminal máis aló da de simples autores ocasionais con perfís criminolóxicos coñecidos", polo que é necesario levar a cabo as indagacións necesarias que permitan esclarecer os feitos.

Con este obxectivo, a Fiscalía dirixirase ás autoridades policiais con competencias en materia de incendios, é dicir, Policía Autonómica (Unidade Adscrita á Xunta da Policía Nacional), Garda Civil e Corpo Nacional de Policía, para que elaboren un informe detallado sobre os feitos descritos. Tamén se solicitará a colaboración da Consellería de Medio Rural.

DILIXENCIAS REALIZADAS EN 2006

Tras a onda de incendios forestais rexistrada no verán de 2006, a Fiscalía abriu unhas dilixencias similares para investigar a existencia dunha trama organizada, aínda que tras a exhaustiva análise realizada (circunstancias nas que se produciron os incendios, zonas afectadas, perfís dos incendiarios, etcétera) non se puido determinar entón a existencia dunha actividade criminal coordinada.

Os datos da investigación foron actualizados e analizados anualmente, con idéntico resultado. Porén, pasados 11 anos daqueles feitos, a Fiscalía considera necesario establecer de novo un diagnóstico "certeiro" ante a grave situación creada durante os últimos días, co obxectivo de "despexar incógnitas e acertar nas medidas de prevención e resposta fronte aos incendios forestais".

Temas: LUMES INCENDIOS

6 Arturo

Boeno, o que queirades, pero a causa real dos incendios son os pirómanos. Son os que provocan os lumes. Sen eles ( por moita mala política que poidera haber ) non habría incendios. O monte, as árbores, non arden sóas. E os pirómanos non actúan precisamente nas zonas xa eucaliptizadas sen remedio, coma a Mariña de Lugo. Repetimos, non é a política,non son os eucaliptos, son os pirómanos. ¿ Seica xa partimos de que eso é inevitable, e que o único que se pode facer é aatllar o lume que eles provocan ?

1 Failde

Arturo, ser taPParrabos non te fai máis listo! Un raio, o tren, unha fresadora, unha colleitadora, unha empacadora, que necesariamente deben traballar en horas de máxima calor... son pirómanos? Mesmo unha queima controlada que se escapa, unha barbacoa... son pirómanos? Menos pirómanos que as administracións que imcumpren leis como deixar espazos libres de mato e cultivos forestais arredor dos núcleos habitados (en 2012 rematou a moratoria, Xunta e alcaldes miran para outro lado)? Menos pirómanos que a Xunta que no lugar de ordenar, subvencionou eucaliptos que agora medraron, inzaron todo e arden? Menos pirómanos que Raxoi que descaradamente favorece e senta aos seus en Ence, comenzando por ministros e conselleiros do medio ambiente, a quien serven? Menos pirómanos que as empresas amigas do PP, apagalumes da trama dos incendios? Hai moitos pirómanos, bastantes desalmados e algúns beneficiados, comezando polos teus!

5 Arturo

Para que existan lunes, o que é " imprecindible" é que haxa incendiarios. Sen incendiarios non hai incendios. E ninguén se " preocupa" de que o monte sexa una " bomba", eso é simplemente a consecuencia do abandono; como que ninguén se " preocupa" da eucaliptización, xa se encargan os galegos de prantar eucaliptos. A moita xente só lle falta decir que é a Xunta quen pranta os lunes: todo menos poner o dedo na chaga dos pirómanos: eses son algo " normal" e, no fondo, non teñen culpa de nada, pobriños: a culpa é de quen sexa ( A Xunta, o Estado central, o que sexa ) menos dos pirómanos: esa é tese irracional de algúns.

1 Antilumes

O que ti chamas "abandono", cando é cousa de moitos anos da xestión do PP (con aquel "mangueritas" que se facía a foto para criticar aos outros, non é tal "abandono" senón plan delberado que veu sendo denunciado por comunidades de montes, grupos exoloxistas e todo tipo de colectivos. A eucaliptización non é "casual e caída do ceo" O actual goberno de Mariano Rajoy, estando en funcións, prorrogoulle a Ence a licencia que lle caducaba. Feixón vendeulle hai poucos meses os helicópteros de extinción públicos a unha empresa privada e despois contratoulle máis cara á mesma empresa a chamada "extinción". Queres máis irracionalidades cometidas polo PP?

4 comunista independentista

Por suposto que hai unha planificación criminal coordinada: Xunta-Ence-Empresas privadas de extinción.

3 Sherlock Bárcenas

Perfís dos incendiarios? qué percuran? un asasiño en seria?. Estaría ben, se sobraran recursos, mais coma non é o caso, e lunes dánse tanto no rural coma perto das urbes, e tanto agora coma no bipartito. Descartado o móvil político e social, só queda o económico. Quén se beneficia, quén lle saca partido Aaos lumes?.qué hainos, e son ben coñecidos. A fiscalía francesa e portugues sinala para o estado expañol, e os que se benecian dende que se privatizou o sevizo de apargar os lumes. As 14 empresas e persoaxes públicos que copan todos os amañados concursos públicos dende que hai 15 anos se privatizaron. En Portugal, xa caeu un ministro, e se cuestiona a xestión do mesmo presidenta da república. No estado expañol coma sempre, o gobernó olla para outro lado, diante do enriquecemento ilícito.

2 Antilumes

Haberá unha trama que materialmente prende lume. pero hai outra -imprescindible- que se preocupa de que o monte sexa unha auténtica bomba que só precisa unha faísca, de que o rural desapareza, de que a eucaliptización campe, de que as empresas contratadas teñan grosos beneficios (hoxe dámoslles baratos os helicópteros nosos e mañá contratamos con eles máis cara a chamada "extinción"), de que as brigadas se desmonten,...Para que seguir? Todos sabemos quen son eses poucos que se benefician coa morte da natureza, coa perda das propiedades públicas e privadas, coa ameaza á vida da xente.