A Xunta defende a campaña que compara as mulleres con xigantes
O presidente da Xunta, Alberto Núñez Feijóo, insta ás voces críticas a "pór en valor" a existencia dun pacto contra esta lacra.
- Carmela Silva tacha de "gravísimo erro" o cartel da Xunta na campaña contra a violencia machista
- A oposición pide retirar o cartel do Día contra a Violencia Machista, mentres o PPdeG chama á "concienciación"
- Polémica pola visión que a Xunta dá da muller no día contra a violencia machista
Por E.P. | SANTIAGO DE COMPOSTELA | 13/11/2017 | Actualizada ás 14:16
O presidente da Xunta, Alberto Núñez Feijóo, defendeu este luns a campaña posta en marcha polo Goberno galego con motivo do Día Internacional contra a Violencia de Xénero, e instou ás voces críticas a "pór en valor" a existencia dun pacto contra esta lacra.
Así o dixo Núñez Feijóo en resposta a preguntas dos medios despois de que algunhas voces, entre elas o Concello e a Deputación de Lugo, considerasen esta campaña, baixo a lema 'O máis grande de Galicia non se maltrata', como unha "cousificación" da muller.
Neste sentido, o presidente galego dixo que esta campaña é "moi parecida" á que se puxo en marcha con motivo do Día da Muller, o oito de marzo. "Naquel momento ninguén puxo problemas, agora alguén quere pór problemas, pero eu prefiro as solucións", sentenciou Feijóo.
Por iso, animou a "pór en valor" o pacto contra a violencia de xénero a nivel galego e español como exemplo do compromiso público contra esta secuela. "Eu os pactos mantéñoos e deféndoos", sentenciou.
