SANTIAGO DE COMPOSTELA | 16/11/2017 | Actualizada ás 14:18 por EUROPA PRESS
A coordinadora de Esquerda Unida, Eva Solla, considerou que a indemnización de 1.600 millóns de euros fixada pola Audiencia Provincial da Coruña polo 'Prestige' é "francamente escasa" e lamentou que "15 anos despois" da catástrofe os responsables políticos sigan se asumir as súas "responsabilidades".
Preguntada respecto diso nunha rolda de prensa celebra este xoves, a líder de Esquerda Unida lamentou que os políticos que tiveron responsabilidades durante a marea negra "saísen impunes", como o caso do presidente do Goberno, Mariano Rajoy.
"Existían unha serie de responsabilidades a nivel legal que parece que non están a responder ao impacto que tivo a catástrofe pero, ademais, non se vencella aos responsables políticos que saíron impunes", lamentou a tamén deputada de En Marea.
Na súa intervención, tamén lembrou que a contía que marca a Audiencia Provincial coruñesa é un terzo da que pedía a Fiscalía polo que, na súa opinión, a cifra "non satisfai o impacto económico e ambiental" que causou o afundimento do petroleiro que verteu 63.000 toneladas de fuel fronte ás costas galegas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.