Cociña de Nadal para os máis pequenos na Coruña
Muffins; un calendario de Advento; aperitivos de queixo envoltos en granada; canapés con formas de árbore e bólas de Nadal, entre as receitas.
Por Galicia Confidencial | A Coruña | 14/12/2017 | Actualizada ás 10:35
«Os pequechefs de Nadal». Así se chama o curso de cociña infantil de Nadal que impulsa Afundación aproveitando a chegada destas datas. Está dirixido a nenos e nenas a partir de 6 anos e ten como obxectivo achegalos ao mundo da cociña mediante un método didáctico e ameno. As inscricións pódense formalizar a través da web Ataquilla. com.
O curso estrutúrase en catro sesións de dúas horas que se impartirán os días 26, 27, 28 e 29 de decembro de 11.00 a 13.00 h, e será impartido por Mayte Fernández.
Os participantes aprenderán a cociñar receitas sinxelas cunha temática de Nadal como muffins; un calendario de Advento; aperitivos de queixo envoltos en granada; canapés con formas de árbore e bólas de Nadal; espetadas; mini abetos de Nadal de Snickerdoodles e bombóns de turrón de chocolate.
