O BNG esixe a dimisión do ministro de Fomento tras o "caos" na AP-6
A voceira nacional do BNG, Ana Pontón, reclama a dimisión do titular de Fomento pola súa "incompetencia na xestión das infraestruturas" e pregunta a Feijóo se vai facer algo "ante unha situación que afectou a miles de cidadáns galegos".
Por E.P. | SANTIAGO DE COMPOSTELA | 08/01/2018 | Actualizada ás 12:19
A portavoz nacional do BNG, Ana Pontón, esixiu este luns a dimisión do ministro de Fomento, Íñigo de la Serna, tras a situación tan grave" e de "caos" que "se viviu esta fin de semana" con "miles de cidadáns atrapados na AP-6".
En rolda de prensa, Pontón reclamou a dimisión do ministro de Fomento pola súa "incompetencia na xestión das infraestruturas" e pola "súa soberbia despois duns feitos tan graves de non recoñecer ningún erro", "nin tan sequera pedir desculpas aos cidadáns".
Por iso, pregúntase se o presidente da Xunta, Alberto Núñez Feijóo, vai facer algo ante "unha situación que afectou a miles de cidadáns galegos" ou "se, simplemente, vai buscar unha escusa para exculpar ao ministro de Fomento e ao Goberno de Rajoy".
Así mesmo, a nacionalista mostrou a súa solidariedade a todas as persoas viviron esta situación "angustiosa" provocada por "unha cadea de erros" que tacha de "intolerable".
