A folga da xustiza en cifras económicas: Os números da Xunta e os dos funcionarios

Feijóo acusou aos traballadores públicos de querer cobrar máis que a media dos traballadores do resto de autonomías e estes responden que o presidente galego “minte coma sempre” e que cobran menos que a media.

Por Galicia Confidencial | Compostela | 10/02/2018 | Actualizada ás 10:00

Comparte esta noticia

"Para que lles cadren as contas son capaces –Feijóo e Rueda-- até de converter en comunidades a Ceuta e Melilla", esgrimiron este xoves os portavoces sindicais dos funcionarios de Xustiza para criticar os argumentos dados pola Xunta. Previamente, o xoves pasado no Consello da Xunta, Feijóo acusara aos funcionarios de querer cobrar máis que a media dos traballadores do Estado.

Funcionarios de xustiza recollen a luva a Feijóo e ensinan as súas cifras
Funcionarios de xustiza recollen a luva a Feijóo e ensinan as súas cifras

Feijóo insisitiu o xoves en que a subida salarial que pide o comité de folga, "de entre un 12 e un 16 por cento" --uns 3.000 euros ao ano por funcionario--, é "inasumible" e reivindicou a proposta da Administración que situaría as retribucións dos empregados públicos do sector xudicial en Galicia "cara arriba" na táboa de comunidades e "por encima" da media.

En concreto, a Xunta expón, a través do complemento autonómico transitorio, un incremento de 75 euros ao mes (900 euros ao ano) para os xestores; 62 euros ao mes (744 ao ano) para os tramitadores; e 55 euros ao mes (660 ao ano) para os auxilios. O incremento, que tería efectos a partir do 1 de xaneiro de 2019, aplicaríase en tres anualidades.

Ademais, a proposta recolle que este aumento no complemento é compatible con manter o concepto retributivo de 'IPC galego', que xa perciben os funcionarios por traballar na administración autonómica galega e que supón ao redor de 9 euros ao mes para os xestores; 8 euros ao mes para os tramitadores; e 7 euros ao mes para o corpo de auxilios.

OS FUNCIONARIOS GALEGOS, NA COLA DO ESTADO

Concentración de traballadores en Vigo no primeiro día de folga indefinida na Xustiza galega
Concentración de traballadores en Vigo no primeiro día de folga indefinida na Xustiza galega | Fonte: Miguel Núñez.

Visiblemente molestos coas declaracións do presidente, os voceiros dos funcionarios criticaron a "deshonestidade política" de Feijóo, ademais de cualificalo de "indecente e farsante". Ao tempo, pediron que cese o que consideran "bastas manipulacións dos datos" no que respecta, por exemplo, á amortización de prazas e á situación retributiva deste colectivo. 

Os traballadotres aseguran que o que cobran está por baixo da media, de feito, no posto dez das autonomías e insisten en que a Xunta ofrece "cero" euros de subida para 2018 –algo que o propio Feijóo admitiu--, o que mantería a Galicia "á cola" neste exercicio. Aínda coa proposta económica da Xunta, que se aplicaría en tres anualidades e a partir de 2019, tamén desmentiron que se vaian a incrementar "entre 600 e 900 euros" ao ano, nin sequera en 2021.

En concreto, o incremento estaría (en 2021), segundo os cálculos dos sindicatos, entre os 500,39 euros ao ano dos auxilios e os 520,39 euros dos xestores, pasando polos 507,39 euros anuais dos tramitadores.

POR BAIXO ATA 2021

"Coa xenerosa oferta que nos fan para 2021, o que cobrariamos nese ano seguiría estando por baixo da media do que se cobra no resto de territorios na actualidade. A maiores, durante 2013, 2014, 2015 e 2016, Feijóo confiscounos das nóminas entre 3.400 e 10.000 euros, algo que non ocorreu no resto do Estado", agregan.

Así mesmo, defenderon que, fronte ao que di a Xunta, a subida que piden poderíase aplicar en 2018 e "non sería ilegal" se se fai pola vía da produtividade que contempla a Lei Xeral do Poder Xudicial. Por iso, convocaron ao presidente da Xunta, Alberto Núñez Feijóo, ou ao vicepresidente galego, Alfonso Rueda, a participar o vindeiro luns en Santiago nunha reunión, ao entender que esta interlocución é básica para resolver o paro indefinido no sector xudicial galego, que cumpre este venres o seu terceiro día.

Alfonso Rueda e Alberto Núñez Feijóo no Consello da Xunta
Alfonso Rueda e Alberto Núñez Feijóo no Consello da Xunta | Fonte: Xunta.
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

1 Xan do Norte

Non estaría de máis que puxesen as súas nóminas encima da mesa xunto cos seus horarios reais de traballo, descontando cafés ou paradas para fumar e facer recados persoais, para que todos podamos xulgar.

1 Eu non son tránsfuga

Outro a soldo do PP disfrazado de nacionalista. E se é nacionalista, vergoñento que lle faga o traballo sucio aos cans pepeiros

2 Argonauta

Supoño que todos temos ido a un Xulgado algunha vez...desgraciadamente, eu varias, e sempre concluin que hai casas de lenocínio bastante mellor organizadas......e incluo a todos.....desde o xuiz ou xuiza que se cre o ca ga llon mais intocabel do mundo e que non resolve un caso de 3º de ESO en meses ao último funcionario que non tén a delicadeza de te avisar para que non vaias á cita que tés co Forense, que está de Baixa e así non perdas a mañá...uns camándulas de moito carabillo..e uns parásitos pouco productivos........claro que poida que eu sexa un gafón e sempre me tope cos poucos impresentabeis que hai no gremio......

3 Xan do Sul

Supoño que te referirás a este tipo de funcionarios que segurísimo que están traballando na función pública por méritos propios: http://www.galiciaconfidencial.com/...