Identificado o responsable de guindar ao lixo en Vigo a sete cachorros de can nunha bolsa de plástico
Só cinco conseguiron vivir grazas á colaboración de cidadáns e voluntarios.
Por E.P. | VIGO | 22/02/2018 | Actualizada ás 15:09
Axentes da Policía Local de Vigo identificaron ao presunto responsable dun delito de malos tratos animais, quen supostamente guindou a un colector de lixo a sete cachorros de can vivos dentro dunha bolsa de plástico.
Segundo informou a Policía Local, os feitos ocorreron o pasado 25 de xaneiro, cando, sobre as 17,30 horas un cidadán alertou de que na parroquia de Beade localizara dentro dun colector de residuos sólidos unha bolsa de plástico con sete cachorros.
Todos os cans foron trasladados á protectora municipal de animais, pero soamente cinco lograron sobrevivir "grazas á colaboración desinteresada de cidadáns e voluntarios, xa que ao tratarse de animais de tan curta idade requirían especiais coidados e atención".
A partir destes feitos, a Unidade Ambiental da Policía iniciou unha investigación que permitiu identificar ao responsable e denunciarlle xudicialmente como presunto autor dun delito de malos tratos animais.
