A neve dificulta a circulación en varias estradas da provincia de Lugo, como a A-6 e a LU-633
A neve dificulta a circulación en varias estradas da provincia da Lugo, como a autovía A-6 ou a LU-633. Tamén afecta a vías secundarias de máis de dez municipios.
SANTIAGO DE COMPOSTELA | 24/03/2018 | Actualizada ás 11:20 por EUROPA PRESS
A neve dificulta a circulación en varias estradas da provincia da Lugo, como a autovía A-6 ou a LU-633. Tamén afecta a vías secundarias de máis de dez municipios.
En concreto, segundo a información da Dirección Xeral de Tráfico (DXT), na estrada que une Pedrafita e Palas de Rei, a LU-633 está prohibida a circulación de camións e vehículos articulados, en ambos os sentidos, até o quilómetro 30.
Pola súa banda, na Autovía do Noroeste, a A-6, este fenómeno meteorolóxico tamén condiciona a circulación e obriga a incrementar as precaucións entre os quilómetros 432 e 479, tamén en ambos os sentidos.
En canto á rede provincial, segundo os datos da Deputación, varias vías de Pedrafita, Cervantes, O Courel e Samos son intransitables, con espesores de entre 20 a 40 centímetros.
Ademais, a neve dificulta a circulación na rede secundaria da Fonsagrada, Negueira de Muñiz, Ribeira de Piquín, Baleira, Triacastela, As Nogais, Ribas de Sil ou Quiroga.
