Alerta de nivel laranxa por un temporal costeiro en todo o litoral galego a partir da madrugada

Segundo informa a Axencia Estatal de Meteoroloxía (Aemet), a partir desta madrugada espérase temporal costeiro por vento do oeste ao sudoeste rolando a noroeste de forza 8, e mar combinada con ondas que poden alcanzar os 7-8 metros.

A Xunta lembra a importancia de manterse afastado da liña de costa, de diques e paseos marítimos. Tamén recomenda que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.