Temas: ÉTICA EN MAREA PODEMOS MARTIñO NORIEGA SANTIAGO DE COMPOSTELA JUAN MERLO

Martiño Noriega, sobre os falsos currículos: "Só podo dicir que o meu é fidedigno"

O alcalde de Santiago evita valorar o caso do deputado de En Marea Juan Merlo, en cuxo currículo figuraba que era enxeñeiro naval cando non ten o título.

Por E.P. | SANTIAGO DE COMPOSTELA | 13/04/2018 | Actualizada ás 13:40

O alcalde de Santiago, Martiño Noriega, remitiuse ás explicacións do deputado de En Marea Juan Merlo (Podemos Galicia), en cuxo currículo figuraba que era enxeñeiro naval e asumiu o "erro" de que se incluíse desa maneira na súa formación. Ademais, afirmou que el "só" pode dicir que o seu currículo é "fidedigno".

"Aquí, na Universidade de Santiago non regalan os títulos", sentenciou, despois de indicar que "nunca" se lle preguntou polo caso de Cristina Cifuentes, quen "si que tiña un título falsificado".

Aínda que ironizou con que non está "especializado neste tipo de materias", destacou que o seu currículo "é fidedigno", para relatar que estudou Medicina, aprobou a licenciatura, presentouse ao MIR, fixo a especialidade de medicina de familia e obtivo o diploma de estudos avanzados no departamento de saúde pública.

"Aquí na universidade, indo a clases presenciais durante un ano, mentres era alcalde de Teo. E logo presentando o estudo de final de diplomatura de estudos avanzados no segundo ano, ao cal din lectura no Hospital Clínico ante Juan Gestal, catedrático que acaba de xubilarse e obtiven unha boa cualificación. E custoume porque era xa entón alcalde de Teo e compatibilizar non foi fácil", expuxo.

Deste xeito, apuntou que esperaría a que Merlo dese as explicacións "pertinentes", nun momento no que este manifestaba que asumía o "erro" de que se incluíse que era enxeñeiro na súa formación, algo que se fixo coa súa "conivencia" pero "non coa intención de enganar", dfixo. O deputado comentou que non lle deu "importancia" cando se simplificou o que foron estudos e formación práctica na materia e converteuse na denominación de enxeñeiro.

Noticias relacionadas

Temas: ÉTICA EN MAREA PODEMOS MARTIñO NORIEGA SANTIAGO DE COMPOSTELA JUAN MERLO

5 Jorge

A política é esa cousa na que tes que aparentar ser o que non es, porque se che ten que percibir de tal xeito, pero na que ninguén é o que di ser, nin omito menos quen debería ser. E así é como nos gobernan é nos representan mediocres. Pero gallegos, vosotros seguid mirando al dedo y no a la luna, que se vive mejor en la ignorancia. Polos comentarios desta nota de prensa vexo que moita masa gris crítica non hai, así que vivides felices co voso narcopresidente. Seguide falando de Martiño .... que pena dades.

4 doutor franconstin

EXCUSATIO NON PETITA ACUSATIO MANIFIESTA, anda e vai traballar de medico que levas xa moito vivindo da política do alcaldismo, pero antes de marchar confirmanos a dimisión da deputada do VANDALISMO NAS RUAS, seica escachaban espellos retrovisores dos coches dos obreiros, do partido político mareante do podreiros - https://www.youtube.com/watch?v=6NO...

3 Alberte

Era alcalde de Teo polo BNG e, no entanto, tivo tempo (sen se despeinar) de utilizar o seu cargo para facer campaña por PODEMOS SER UNA REGiÓN DE LA REPÚBLICA ESPAÑOLA (como Murcia) para a alcaldía de Compostela (e sen renunciar á súa acta en Teo). Iso é TRANSFUGUISMO.

2 Currúculu

Como exercese de médico igual que de alcalde......

1 Retrinco

Pero é doutor ou non? Agora da marcha atrás, pero moitos medios de comunicación publicaron que era doutor en Medicina, cousa que nunca desmentiu. Debería presentar os traballos que di ter feito, pero que non mostra en público.