Amplíase a alerta alimentaria por mexillóns galegos tras detectarse un segundo brote de toxiinfeccion en Valencia

A Rede de alertas alimentarias incluíu un novo lote de mexillón cocido conxelado de orixe galega como causante dun segundo brote de toxiinfección alimentaria por norovirus na Comunidade Valenciana.

Os datos do novo lote afectado, que tamén fora distribuído a Navarra, son os seguintes:

Produto: Mexillón cocido conxelado de orixe galega. Nome do produto na etiqueta: Mexillón media cuncha súper. Marca: Estrella Polar. Lote: 015DOP-18.

O Instituto de Saúde Pública e Laboral de Navarra procede á inmovilización e retirada inmediata deste novo lote.

O Goberno de Navarra, como medida de precaución, recomendou a aqueles que puidesen ter o produto e lote, anteriormente mencionados, nos seus fogares que se absteñan de consumilo.

Até o momento non se ten coñecemento de persoas afectadas polo seu consumo na Comunidade foral.