Por E.P. | VIGO | 25/04/2018 | Actualizada ás 19:02
Efectivos da Garda Civil detiveron a dous veciños da localidade pontevedresa de Gondomar que supostamente provocaron un dos incendios que a mediados do pasado mes de outubro arrasou este municipio e chegou a estenderse ao de Vigo.
Fontes do Instituto Armado comunicaron que estas dúas persoas, duns 50 anos de idade, foron detidas na mañá deste mércores e, após pasar a disposición do Xulgado de Instrución número oito de Vigo, quedaron en liberdade aínda que continúan os trámites procesuais no xulgado.
Ambos detidos están investigados como presuntos autores dun incendio iniciado o pasado 15 de outubro na parroquia gondomareña de Morgadáns, que foi "un dos máis importantes dese día" e que se estendeu tanto por esta localidade como por parte do término municipal de Vigo.
O pasado ano queimáronse en Galicia 61.700 hectáreas, das que case 50.000 quedaron arrasadas na fin de semana de mediados de outubro, con catro persoas mortas. Entre os territorios máis afectados polas chamas atópase o sur da provincia de Pontevedra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.