Veciños de Tui participan nunha reunión para comunicar os danos nas súas vivendas tras a explosión

Veciños da contorna no que este mércores se produciu unha explosión de material pirotécnico en Tui (Pontevedra), desprazáronse na mañá deste venres ao Centro Social de Guillarei, onde se está celebrando unha reunión entre as administracións e os afectados.

Algúns dos veciños, con marcas e feridas visibles tras o suceso, trasladaron aos medios de comunicación os danos que presentan as súas vivendas e negocios, como desperfectos nos tellados e nos cristais. Ademais, algunhas casas quedaron destruídas e dáse a circunstancia de que varios carecen de seguro.

A todos eles, ao redor de 300 segundo o delegado da Xunta en Pontevedra, José Manuel Cores Tourís, tomóuselles nota dos danos que presentan as súas propiedades e indicouselles que no prazo de 10 días a administración comunicarase con eles.

(Haberá ampliación con foto)