Lea entre o PP galego e o presidente do partido ultradereitista VOX a conta da condición de Galicia como nación

A posible designación de Alberto Núñez Feijóó como novo líder do PP a nivel estatal, en substitución do dimitido Mariano Rajoy tras perder a moción de censura que o apartou do Goberno central, está a suscitar todo tipo de reaccións non só no seu partido ou na oposición en Galicia; tamén na ultradereita española. En VOX, partido ultranacionalista, decidiron emprender unha campaña contra o actual presidente da Xunta, ao que acusan de defender que Galicia é unha nación. Acusación á que non tardou en responder o Partido Popular galego, que non acepta "lecciones de nadie" na defensa de España.

O presidente de VOX, Santiago Abascal, recuperou en Twitter unhas declaracións nas que Feijóo se refería a Galicia como "nación sen Estado", algo que produce urticaria no ultranacionalismo español: "Nosotros históricamente tenemos muchos elementos para denominarnos, utilizando la terminología habitual, nación sin Estado", dicía o presidente da Xunta.

Aproveitando que agora Feijóo podería ser o novo adalid do PP para tentar darlle novos folgos á dereita arredor deste partido, en VOX decidiron reaccionar apelando ao españolismo como argumento político. 

"Para Nuñez Feijoo, igual que para Pedro Sánchez, «Galicia es una nación sin Estado». ¡Qué se sepa! Si crees que la única nación de los gallegos es España, RT", publicou o líder ultradereitista, acompañando o seu chío dunha bandeira española.

Para Nuñez Feijoo, igual que para Pedro Sánchez, "Galicia es una nación sin Estado". ¡Qué se sepa! Si crees que la única nación de los gallegos es España, RT. 🇪🇸 pic.twitter.com/X9FhAMtJHp

— Santiago Abascal (@Santi_ABASCAL) 6 de xuño de 2018

A primeira resposta chegoulle directamente desde a conta en Twitter do Partido Popular de Galicia, que non acepta "leccións de nadie" nesta materia. 

"Llevamos años cerrando las puertas al nacionalismo. Lo hicimos con nuestros votos, siendo leales a la Constitución, al país, y evitando que PSOE y BNG calificaran a Galicia de nación en nuestro Estatuto. Así que de combatir a los nacionalistas no aceptamos lecciones de nadie", responderon os populares galegos a Abascal.

Llevamos años cerrando las puertas al nacionalismo. Lo hicimos con nuestros votos, siendo leales a la Constitución, al país, y evitando que PSOE y BNG calificaran a Galicia de nación en nuestro Estatuto. Así que de combatir a los nacionalistas no aceptamos lecciones de nadie

— PP de Galicia (@ppdegalicia) 6 de xuño de 2018

O líder de VOX non dubidou en manter a disputa para tentar agrandar a súa diminuta influencia política, contestando: "Yo no he dicho que «Galicia es una nación sin Estado». Mi madre y mi abueliña, gallegas ambas, me han enseñado que Galicia es una región de España. Pedidle [sic] cuentas a vuestro presidente, que es el que ha dicho la majadería y el que flirtea con los conceptos nacionalistas", replicou ao PPdeG.

Yo no he dicho que "Galicia es una nación sin Estado". Mi madre y mi abueliña, gallegas ambas, me han enseñado que Galicia es una región de España. Pedidle cuentas a vuestro presidente, que es el que ha dicho la majadería y el que flirtea con los conceptos nacionalistas.

— Santiago Abascal (@Santi_ABASCAL) 6 de xuño de 2018

O PPdeG decidiu non volver entrar na lea, pero si o fixeron ducias de usuarios de Twitter, a prol e en contra duns e doutros, evidenciando que a dereita española se atopa agora mesmo nunha loita fraticida e baseada exclusivamente na idea de España e no sentimento patriótico, sen importar outra cousa.