Detido un profesor de música en Monforte por supostos abusos sexuais

Axentes da Policía Nacional detiveron no municipio de Monforte de Lemos a un home de mediana idade profesor de música despois de ser denunciado por supostos abusos sexuais. Segundo informaron a Europa Press fontes policiais, o home foi detido este xoves despois dunha denuncia presentada esa mesma xornada por varias das vítimas.

Estaba previsto que o detido, que pasou a noite nos calabozos da Policía Nacional en Monforte, pase a disposición xudicial este venres. A detención produciuse por mor da denuncia de varias alumnas que ían ás súas clases por feitos supostamente sucedidos hai xa uns anos cando eran menores de idade.