A Xunta destaca que a ocupación hostaleira alcanza en maio "o seu mellor dato", por riba dos últimos Xacobeos

A Xunta destaca que o turismo en Galicia mantivo durante o pasado mes de maio o seu crecemento "sostido" ao alcanzar "o mellor dato de ocupación hostaleira desde que existen rexistros, superando así os récord dos últimos Xacobeos".

En concreto, segundo os datos que publicou este venres o Instituto Nacional de Estatística (INE), a ocupación no quinto mes do ano subiu case dous puntos, o que, para a Xunta, "contribúe a afondar na consecución dun destino cada vez máis competitivo en todas as épocas do ano".

"Este récord prodúcese nun contexto de estabilidade na demanda turística, cunha lixeira variación do 0,5% respecto ao mesmo período de 2017", indica, en relación á diminución das pernoctaciones nesa porcentaxe.