Por E.P. | Santiago de Compostela | 12/07/2018 | Actualizada ás 11:35
Dous homes faleceron na tarde do mércores, un no concello lucense de Navia debido a un accidente mentres cortaba árbores, e o outro en Neda, debido a "unha indisposición" mentres recollía miñocas nunha pista que pasa por debaixo da ponte da autovía dese municipio coruñés.
O primeiro dos sucesos ocorreu pasadas as 18,30 horas da tarde do mércores no concello lucense de Navia de Suarna, a consecuencia dun accidente cando o falecido cortaba árbores no monte. Segundo informa o 112 Galicia, empregados sanitarios informaron da saída dun helicóptero medicalizado con base en Ourense cara o Centro de Saúde de Navia de Suarna, para o posible traslado dunha persona que sufrira un accidente no monte.
Con todo, a pesar dos intentos de reanimación, os facultativos só puideron confirmar a morte da persoa. Ademais, tralo aviso, dende a central de emerxencias solicitouse a intervención dos axentes da Garda Civil.
EVACUACIÓN DUN HOME NUNHA ZONA DE LAMA
Por outra banda, tamén se rexistrou a morte dun home que se atopaba recollendo miñocas nunha pista que pasa por debaixo da Ponte da Autovía, en Neda, que comezou a encontrarse mal.
Segundo o parte do 112, os Bombeiros de Ferrol relataron que acudiron ao momento nada máis ser alertados do suceso e tamén foi requirida a súa intervención polos axentes da Garda Civil, debido á cantidade de lama que cubría o lugar onde se atopaba o falecido.
A voz de alerta do suceso produciuse arredor das 19,30 horas do mércores mediante a chamada dun particular que solicitaba unha ambulancia para unha persona que se atopaba tirada debaixo da ponte da autovía que une Neda con Narón.
O 112 pasou aviso ás 061-Urxencias Sanitarias, que desprazou unha ambulancia ao momento. Así mesmo, informouse ós axentes da Policía Nacional e da Garda Civil, que solicitaron a intervención dos Bombeiros para o rescate do home, debido á cantidade de lama que cubría a zona onde se atopaba.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.